#وشم كادول..(زهرة)

ابتسم لى (كادول) عندما رأى المشهد..
شيطانته التى اقنعتنى فى يوما ما ان ابيع روحى من اجلها ارتمت فى حضنى و (زهرة) رأتنا..
وحدث بعدها كل شيئ بسرعة شديدة و كأننا فى فيلم سينمائى..
(زهرة) مصدومه..
(فريدة) تتصنع التغزل و تحتضننى اكثر و تنظر لها فى سخرية..
(زهرة) تبكى و تركض نحو الممر..
انا اصفع (فريدة) لاجعل رأسها تلتف..واركض خلف (زهرة)..
(كادول) يضحك فى سخرية..
الابواب كلها مغلقة الا باب وحيد مفتوح..
باب اعرفه جيدا لأنه يؤدى الى مهرب سرى جلسنا فيه انا وهى يوما ما..
كما توقعت كانت تقف على حافة الجبل و هى تبكى بحرقة..
نظرت الى و فى عينيها قرار مجنون قد اتخذ..فصرخت فيها..
استنى..
فظلت تبكى بحرقة كطفلة صغيرة وقالت بحروف محروق نصفها..
استنى ليه انا مبقاش ليا مكان فى حياتك..كنت خايفه من اليوم ده اليوم الى هى هترجع فيه وتاخدك منى..وادينى شفته بعينى انا خلاص وجودى مبقاش ليه اهمية..
وجودك هو الى مخلينى اكمل..انا خلاص مش هقدر اعيش من غيرك ومن غير تفاصيلك ومن غير كل حاجه فيكى..
تفاصيلى..ههههههه انت تعرف ايه عن تفاصيلى..انت كنت كل الى انت شايفه هى هى وبس..ده حتى وانت بتموت كنت بتنادى عليها..
ممكن..كنت بستنجد بيها عشان انتى خطفتينى..
انا اعرف كل تفاصيلك..اعرف انك عليكى ضحكة بتقتلنى عشان كدا بتتكسفى تضحكيها قدامى..عارف ان عينك عليا فى كل مكان بروحه و لما ببصلك بتفضلى بصالى وانتى مبتسمه..عارف انك بتحبى القصة بتاعت ملكة سبأ جدا وعارف انك حفيدة ليها..وعارف كمان انك شايفه ان حياتنا كانت خط واحد متساوى ومتشابه فى كل حاجه..
انا بقيت مدمنك..انا اتحرمت من كل حاجه ومش مستعد اتحرم منك..
بس..
بس ايه..
انا..
انتى ايه..
سيبنى..
اسيبك ليه انا مينفعش اسيبك..
انت..
انا..انا بحبك..
عشان كدا انا اتحديته ووقفت قدامه..محدش هيأذيكى او هيقربلك من انهارده حتى لو كان شيطان ملعون همه يجيب عيلته على الارض..